Kiek Oet op zien boerebès!

Op unne zoaterdig in september waerde Frank door Roland gebeld, met de vroag:
"wilt geej als Kiek Oet (met als broëdspaar dich en Annet) in 2009 de boerebroelof doon?"
Frank zei toen, doa mot ik toch effe euver dinke! Maar ich bel dich aankomende week truuk!
Noa thoes met zien vrouw te hubbe euverlag waerde al snel besjloate um Annet te informeren.

Frank belde Annet op, maar joamer, ze waar neet thoes. Dus sms’de hae, "wilse met mich trouwe? Grt. Frank"
Al vriej snel kreeg Frank een sms truuk: "Oke!"

Monique en Theo vonge dit een geweldig idee. Toen moste ze goan bedinke wie ze het de rest ginge vertelle.

Det waas ouch gauw duudelik: We vertelle gwuün ’n sprookje.
De ganse kapel waas aanwezig, onger ut mom van ’n noabespraeking van de wiënfiëste.

Warempel weej krege ze stil!

Verteld waerde det d’r twië ceremoniemeisters nuüdig zien, unne veldwachter, paet tantes, getuuge,
oajers en natuurlijk een broëdspaar.

Ut waar moësstil. En toen barstte ut los. Geweldig en idderein wilde mei doon.

Kiek Oet op zien Boerebès waas gebaore. Zek noe iërlijk: Det is toch een leuk sprookje!

En weej nuüdige uch oet om dit sprookje same met ôs te belaeve dees daag!